AKLAT: Paano Magpatawad

MAY AKDA: Ptr Boyet Cervantes

UNANG BAHAGI: Pagbubukas ng Isipan

IKATLONG ARALIN: Paano kung hindi nagsabi ng Sorry?

PANGUNAHING TALATA: Marcos 11:25

25 Kapag kayo'y tumayo upang manalangin, patawarin muna ninyo ang nagkasala sa inyo upang ang inyong mga kasalanan ay patawarin din ng inyong Ama na nasa langit.

PANIMULA:

Matapos nating malaman ang pangunahing katotohanan na dapat Tayong magpatawad sa mga nagkasala sa atin.

Kailangan din nating maintindihan ang patungkol sa katanungan na paano kung hindi naman humingi ng paumanhin patatawarin ko ba?

Ito ay isang mahirap na katanungan para sa marami

kasi  nga para sa kanila mahirap gawin sa kadahilanang  Dehado sila.

Para sa dagdag kalinawang pangkaisipan,Tignan natin ang masasabi ng Banal na Kasulatan Hingil dito:

I- SINASABI NG BIBLIA NA DAPAT NATING PATAWARIN ANG SINUMANG NAGKASALA SA ATIN NAGSISISI MAN SIYA SA KASALANANG NAGAWA O HINDI

Pagmabilis ang utak kaysa puso maaaring sabihin niyo Pastor sabi sa biblia patawarin kung hihingi ng tawad...tama po kayo kung hindi magiging balansyado ang paghahanap natin ng mga ebedensiya na ukol dito na akma mismo sa Sinalita ni Hesus at ng mga Apostol.

 kayat dapat na Tignan natin ito sa isang balansiyadong pagtanaw  ayon sa sinasabi Salita ng Diyos.

The Gospel of Mark records Jesus’ words:

 

Marcos 11:25

25 Kapag kayo'y tumayo upang manalangin, patawarin muna ninyo ang nagkasala sa inyo upang ang inyong mga kasalanan ay patawarin din ng inyong Ama na nasa langit.

Ang Utos na ito ay hindi tinuran na ang ibang tao ay dapat mag sorry muna sa ginawa sayo, bago ka mag-gawad ng kapatawaran sa kanila

Isa sa katibayan na si Jesus Mismo ang humingi ng kapatawaran para sa kasalanan ng mga nagpako At nagpapako sa kanya…at ang mga iyon ay malinaw na hindi nagsisi sa kanilang nagawa o ginawa kinutya pa nga siya at pinagtawanan ngunit ano ang naging reaksiyon ni Hesus sa kanilang ginawa? Panalangin ng paghingi ng kapatawaran at nasambit niya ang katagang

Lucas 23:34

 34 Sinabi ni Jesus, “Ama, patawarin mo sila sapagkat hindi nila nalalaman ang kanilang ginagawa.”

Bakit niya nasambit ang mga katagang iyon ?

Kasi nga inilagay siya sa kahihiyan ng mga ito...ibinilad siya sa kahihiyan.

ang ginawa ng mga sundalong Romano,Nagpalabunutan sila  upang paghati-hatian ang kasuotan niya.

Malinaw na hinubaran siya wala siyang anumang saplot sa katawan ng siya’y nakapako sa cross

Sa kabilang banda, ang Ebanghelyo ni Lucas ay para bang tila iba ang ipininapahiwatig patungkol naman sa paksang ito ang ebedensiya ay ayon din naman sa sinabi mismo ng Panginoong Jesus:

Lucas 17:3-4

3 Kaya't mag-ingat kayo! “Kung magkasala sa iyo ang kapatid mo, pagsabihan mo; at kung siya'y magsisi, patawarin mo. 4 Kung pitong ulit siyang magkasala sa iyo sa maghapon, at pitong ulit ding lumapit sa iyo at sabihin niyang, ‘Nagsisisi ako,’ dapat mo siyang patawarin.”

Sa talatang ito ay malinaw na makikita natin na ito ay tumutukoy sa mga nagsisisi o humihingi ng paumanhin o tawad at sinasangayunan naman ito ng ibang mga talata sa Biblia:

Mateo 18:15-18

15 “Kung magkasala [sa iyo] ang kapatid mo, puntahan mo siya at kausapin nang sarilinan tungkol sa kanyang kamalian. Kapag nakinig siya sa iyo, naibalik mo na ang inyong pagsasamahan bilang magkapatid. 16 Ngunit kung ayaw niyang makinig sa iyo, magsama ka pa ng isa o dalawang tao upang ang lahat ng pinag-usapan ninyo ay mapatunayan ng dalawa o tatlong saksi. 17 Kung ayaw niyang makinig sa kanila, sabihin mo sa iglesya ang nangyari. At kung ayaw pa rin niyang makinig sa iglesya, ituring mo siyang parang Hentil o isang maniningil ng buwis.”

18 “Tandaan ninyo: anumang ipagbawal ninyo dito sa lupa ay ipagbabawal sa langit, at ang ipahintulot ninyo dito sa lupa ay ipahihintulot sa langit.

Ang  banal na kasulatang ito ay maaaring mukhang akma sa katotohanan na  hindi patatawarin ng Diyos ang sinumang hindi nagsisi sa kaniyang ginawa 

Pero Parang may kunting  contradiction ata mukhang nakakahilo lang naman  kayat mainam na bigyan  na natin ng solusyon…

II- BIGYAN NATIN NG TUGON ANG TILA MAHIRAP UNAWAIN, KUNG ANG PATATAWARIN LAMANG BA ANG NAGSISISI AT ANG HINDI MARUNONG MAG SORRY  AY HINDI?

Upang lumiwanag ang nakitang pagkakasalungatan at upang maunawaan kung ano ang mga Responsabilidad natin sa mga nakagawa ng pagkakasala sa atin halinat simulan nating tuklasin ito.

At dapat din nating maunawaan na ang kapatawaran ay may dalawang aspeto, ang isa ay pang-kaisipan at ang pangalawa ay  pang pisikal  - ang "puso" at ang "kamay " – na kalakip  ang ating pag-uugali at maging ang ating Pag-gawa.

Sa bawat sitwasyon kailangan nating magpatawad na nanggagaling sa kaibuturan ng ating Puso , ngunit ang nakalulungkot na katotohanan,sa kabilang banda hindi natin nagagawang ipagpatuloy ito  ,

Bunsod  ng pagpapakita natin ng maling pagkilos at pananalita doon sa taong umasang nakatangap na ng iyong pagpapatawad ngunit ayaw mo paring tantanan ng paninisi at pagpapaalala sa kanya sa maling nagawa …sa madaling Salita parang wala ding nangyaring pagpapatawad kasi nga binabalik-balikan mo pa ang nakaraan..

Ang mga salita ni Hesus sa ayon sa Marcos 11 at ang kanyang mga salita sa krus ay kumakatawan sa mahalagang unang bahagi ng kapatawaran – at ito’y may kinalaman sa ating Pag-uugali.

Karamihan sa mga tao ,kapag may nakagawa sa kanila ng Pagkakasala hindi nila magawang ipanalangin ang taong iyon .

Ngunit pakatandaan natin at isapamuhay  ang halimbawang ipinakita ni Hesus noong siya’y nakapako sa krus.

anong ugaling mayroon Ba si Hesus? ,

malinaw po na siya ay mapagpatawad kahit na hindi Humingi ng tawad ang mga salarin sa kanya nagawa pa niyang ipanalangin sila na Ama patawarin mo sila sapagkat hindi nila nalalaman ang kanilang ginagawa,

Sa kabilang banda, inilarawan ni Hesus ang sitwasyon sa Lukas 17 na ito ay patungkol sa dapat nating gawin tungo sa Pagpapatawad sa mga nagkasala laban sa atin.

Partikular na sinasabi sa atin ng Mateo 18 na kung ang isang tao ay hindi nagpapakita ng anumang senyales na siya ay nagsisisi ay marapat na ang gawin mo ay puntahan mo siya at kausapin upang maayos ang sigalot sa pagitan ninyong dalawa ...dahil hindi magandang tignan na ang kristiyano sa kapwa kristiyano ay manatili sa di pagkakasundo magaan man o mabigat ang naging kasalanan sayo magpatawad ka at intentional na gumawa ng daan tungo sa ipagkakasundo.

Kapag naintindihan na natin ang dalawang bahagi ng kapatawaran, makikita natin na walang totoong kontradiksyon sa pagitan ng mga pahayag ni Hesus.

Sa isang bahagi dapat lagi tayong magkaroon ng isang mapagpatawad na pag-uugali – kahit humihingi man o hindi ng paumanhin ang taong nagkasala laban sa atin.

Marcos 11:25

25 Kapag kayo'y tumayo upang manalangin, patawarin muna ninyo ang nagkasala sa inyo upang ang inyong mga kasalanan ay patawarin din ng inyong Ama na nasa langit.

Lucas 17:3-4

3 Kaya't mag-ingat kayo! “Kung magkasala sa iyo ang kapatid mo, pagsabihan mo; at kung siya'y magsisi, patawarin mo. 4 Kung pitong ulit siyang magkasala sa iyo sa maghapon, at pitong ulit ding lumapit sa iyo at sabihin niyang, ‘Nagsisisi ako,’ dapat mo siyang patawarin.”

Mateo 18:15-17

15 “Kung magkasala  ang kapatid mo, puntahan mo siya at kausapin nang sarilinan tungkol sa kanyang kamalian. Kapag nakinig siya sa iyo, naibalik mo na ang inyong pagsasamahan bilang magkapatid. 16 Ngunit kung ayaw niyang makinig sa iyo, magsama ka pa ng isa o dalawang tao upang ang lahat ng pinag-usapan ninyo ay mapatunayan ng dalawa o tatlong saksi. 17 Kung ayaw niyang makinig sa kanila, sabihin mo sa iglesya ang nangyari. At kung ayaw pa rin niyang makinig sa iglesya, ituring mo siyang parang Hentil o isang maniningil ng buwis.”

kung ang isang babaeng Kristiyano ay nasaktan at inabuso ng asawa, o maging

ang kanyang mga anak ay sinaktan din, malinaw sa Kasulatan na dapat niya itong patawarin

. Ngunit hindi niya kailangan ilagay ang kanyang sarili at kaniyang mga anak sa panganib sa pamamagitan ng pag-arte na parang wala lang nangyari at nanatili pa rin sa ganuung sitwasyon.

 

Mga Kawikaan 22:3

3 Kung may dumarating na panganib, ang matalino'y nag-iingat, ngunit di ito pansin ng mangmang kaya siya'y napapahamak.

Sa Biblia at may talaan ng ilang halimbawa ng prinsipyong ito na naisagawa

Nalaman natin na bagaman malinaw na pinatawad ni David Si Haring Saul sa pagtatangkang pagpatay sa kanya  ayon sa (2 Samuel 1: 17-27), gayunpaman siya ay hindi na  bumalik sa normal na pakikipag-ugnayan kay  Saul dahil alam niya na hinahangad  pa rin ni Saul ang kanyang kamatayan (1 Samuel 20-23).

Both wisdom and the Scriptures show that we should be equally careful.

Dapat nating laging tandaan na ang Diyos ay may kapangyarihan at karunungan na malaman kung ang isang tao ay tunay na nagsisisi o hindi.

Hindi natin mabasa ang isipan ng  iba at hindi natin maaaring hatulan ang  motibo ng isang tao sa paraang kaya ng Diyos.

Maaaring sabihin ng mga tao ang "Paumanhin" ngunit hindi naman bokal sa kalooban  Ang iba naman talagang taos-puso na humihingi ng paumanhin.

Tiyak na hindi natin palaging makikilala ang ugali ng iba .

Ngunit dapat magpatawad tayo mula sa kaibuturan ng ating mga puso at isip tulad ng malinaw na tagubilin sa atin ng Diyos – dahil alam naman natin na  sa huli Hahatulan ng Diyos ayon sa mga nakalap na ebedensiya kung ikaw o Siya   ay nagsisi o hindi.

Ang maintindihan ang prensepyong ito ay siyang dakilang Maituturing na pinakamahalaga sa ating buhay.

Dahil ito ang susi sa iyong paglaya mula sa kulungan ng di pagpapatawad..

Alam natin na bahagi ng pagpapatawad  sa iba ay ang walang pasubaling pagpapatawad na nagmumula sa kaibuturan ng ating puso, ay makatutulong sa atin upang  matupad ang kalooban ng Diyos para  sa ating buhay ..